Agjensia Amerikane tregon ilacin eksperimental qe ka ndihmuar te godase virusin

    0
    80

    Rregullatorët amerikanë do të lejojnë përmes një procedure urgjente autorizimi përdorimin e ilaçit eksperimental, remdesivir, që duket se ndihmon disa nga pacientët me koronavirus të shërohen më shpejt.ilac

    Është ilaçi i parë që ka treguar se ndihmon të godasë virusin.

    Agjencia amerikane e Ushqimit dhe Barnave, FDA e dha autorizimin të premten, pasi rezultatet paraprake të një studimi të ekspertëve, kërkuar nga qeveria, treguan se remdesiviri e përshpejtoi me 31 për qind rimëkëmbjen për pacientët me COVID-19 të shtruar në spital.

    Presidenti Donald Trump e dha lajmin të premten në Shtëpinë e Bardhë, së bashku me kreun e agjencisë, Stephen Hahn.

    Ilaçi mund edhe të pakësojë numrin e vdekjeve, megjithëse nuk është e sigurt nga rezultatet e pjesshme që kanë dalë deri tani.

    Kompania farmaceutike Gilead Sciences ka thënë se do të dhurojë rezervat aktuale të ilaçit dhe po zgjeron prodhimin e sasive të tjera.

    Studimi me 1,063 pacientë është më i gjeri dhe më rigorozi i ilaçit dhe përfshiu një grup pacientësh që morën kujdesin e zakonshëm, për të krahasuar efektin.

    Ata që përdorën remdesivir, ishin në gjendje të dilnin nga spitali pas 11 ditësh, krahasuar me mesataren prej 15 ditësh të grupit tjetër.

    Eksperti kryesor amerikan për sëmundjet infektive, Dr. Anthony Fauci tha se ilaçi do të vendoste një standard të ri mjekimi për të sëmurët rëndë me COVID-19.

    Ilaçi nuk është testuar ende tek pacientë me simptoma më të lehta dhe aktualisht jepet me serum në spital.

    Agjencia FDA e autorizoi ilaçin në bazë të kompetencave për rastet urgjente, për të përshpejtuar ilaçet, testet dhe produketet eksperimentale në raste krizash shëndetësore. VOA

    Te lidhura

    “Shpërthen” Bella Hadid, me kopsat e këmishës zbërthyer dhe me gjoksin e ekspozuar nuk lë vend për imagjinatën

    “Unë s’ja q* sezonin, qenefa, a e dini kush jam?”- Pas shpërtheu në fjalor banal, Leonora Jakupi del kundër këngëtarit: Jeta e qytetarëve më e rëndësishme

    Forbes rendit markat që po kthejnë maskat e fytyrës në modës, mes tyre edhe stilistja shqiptare

    Festë në familjen Hysenbelliu, Fabiola feston 35-vjetorin nën përqafimet e vogëlusheve dhe urimeve të përzemërta

    “Uroj që kur të zgjohem, të kem këtu”- Do mbushte 14 vjeç, Vanessa Bryant prek me dedikimin për vajzën e ndjerë: Më mungon gjithçka tek ty

    LEAVE A REPLY

    Please enter your comment!
    Please enter your name here